БИШКЕК, 27-апр. — Sputnik. Кыргызстандык окуучулар химия предмети боюнча 55-эл аралык Менделеев олимпиадасынан эки медаль утушту. Бул тууралуу Билим берүү жана илим министрлигинин маалымат кызматы билдирди.
Кыргызстандык окуучулар химия предмети боюнча 55-эл аралык Менделеев олимпиадасынан эки медаль утушту
© Фото / пресс-служба Министерства образования и науки КР
20-26-апрель күндөрү онлайн форматта өткөн олимпиадага Кыргызстандан төрт окуучу катышкан.
Анын жыйынтыгы менен Бишкектеги Чыңгыз Айтматов лицейинин 11-классынын окуучусу Камил Мамбетов экинчи орунду ээлеп, күмүш медаль тагынган. Ал эми №61 физика-математикалык мектеп-гимназиясынын 11-классынын окуучусу Надежда Одрина коло байгеге жетишкен.
Химия боюнча окуучулардын Менделеев олимпиадасы бул эл аралык ири мелдеш болуп саналат. Ал СССРде химия боюнча Бүткүл союздук олимпиада катары 1967-жылы башталган. Анын суроолору дүйнөдөгү алдыңкы химик-окумуштуулардан турган эл аралык калыстар тарабынан түзүлөт.
2021-жылы иш-чара онлайн форматта өткөрүлүп, ага 25 мамлекеттин командалары катышты.