Кара түс "Манас" эпосунда "ныл" деп колдонулган. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.
Анын айтымында, аталган сөз бир нече мааниде колдонулат. "Эпосто "эки көзү ныл тартып" деген сөз бар. Мына ушул саптарда кездешкен "ныл" деген сөздү чечмелесек, кара дегенди түшүндүрөт. Ошондой эле кара боек, кара көк, чымкый кара түстү дагы ушул сөз менен сүрөттөшкөн. Көпчүлүк учурда бул сөз өң, түстү билдиргени менен дагы бир маанисинде көздү чел басып, анын көрбөй калуусун дагы түшүндүргөн", — деди Талантбеков.
Манасчы Таласта Нылды-Ата мазары деген жер бар экенин кошумчалады.