БИШКЕК, 19-апр. — Sputnik. Ош шаарында үч ак илбирстин терисин мыйзамсыз сатууга аракет кылган К.А.С. аттуу киши кармалды. Бул тууралуу УКМК кабарлады.
Ош шаарында үч ак илбирстин терисин мыйзамсыз сатууга аракет кылган К.А.С. аттуу киши кармалды
© Фото / пресс-служба ГКНБ
Атайын кызмат экологиялык коопсуздук жаатында ыкчам-тергөө иш-чарасын жүргүзгөн.
Натыйжада шектүү Тажикстандын жарандарынан алган жырткычтын терилерин 4500 долларга сатууну пландаганы аныкталган.
Факты Жазык кодексинин 293-беренеси ("Жаныбарларды жана өсүмдүктөрдү жок кылуу") боюнча Кылмыш жана жоруктардын бирдиктүү реестрине катталды
© Фото / пресс-служба ГКНБ
Факт Жазык кодексинин 293-беренеси ("Жаныбарларды жана өсүмдүктөрдү жок кылуу") боюнча Кылмыш жана жоруктардын бирдиктүү реестрине катталды. Учурда сотко чейинки өндүрүш иштери улантылууда.
Ак илбирс бүгүнкү күндө дүйнөнүн бардык булуң-бурчунда сейрек же жок болуп кетүү коркунучунда турган жаныбар болуп саналат. Ага аңчылык кылууга тыюу салынып, Кызыл китепке киргизилген.