Уу коргошун чуусу: Жапаровдун Facebook тармагындагы посту өчүрүлдү

16:27, 19 Чын Куран 2021

Мамлекет башчынын билдирүүсү ким тарабынан жана эмне себептен өчүрүлгөнү тууралуу расмий маалымат бериле элек.

БИШКЕК, 19-апр. — Sputnik. Президент Садыр Жапаровдун Facebook социалдык тармагындагы "коронавирустан тез сакайта турган дары табылгандыгы" тууралуу посту өчүрүлдү.

Өлкө башчынын билдирүүсү ким тарабынан жана эмне себептен өчүрүлгөндүгү тууралуу расмий маалымат бериле элек.

Уу коргошун чуусу

Уу коргошун коронавирусту сакайта алабы. Россиялык адистин пикири

16 Чын Куран 2021, 19:20

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.