БИШКЕК, 17-апр. — Sputnik. Кыргызстандык спортчу Дарья Маслова Тажикстандагы эл аралык жарым марафондун жеңүүчүсү болду. Бул тууралуу Sputnik агенттигине спортчунун машыктыруучусу Татьяна Борисова билдирди.
Маслова 21,1 чакырымды 1 саат 12 мүнөт 2 секундда чуркап келген. Натыйжада бул аралыктагы көрсөткүчүн бир жарым мүнөткө жакшырта алган. Күмүш медалды өзбекстандык Вероника Гришина, коло байгени тажикстандык Гаффорзода Зулхиджа алган.
Ал эми эркектер арасында коло байгеге кыргызстандык Адилет Кыштакбеков ээ болгон.