БИШКЕК, 16-апр. — Sputnik. Чеченстандын башчысы Рамзан Кадыров чечен тектүү швециялык UFC мушкери Хамзат Чимаев менен жекеме-жеке кармашка чыкты. Машыгуу залындагы күрөштүн видеосун мушкер өзүнүн Instagram баракчасына жарыялады.
Чимаев толук кандуу машыгуу жүрүп жатканын жазган.
"Чеченстан Республикасынын лидеринин жетекчилиги менен машыгуу толук кандуу жүрүп жатат", — деген ал.
26 жаштагы Чимаев буга чейин ден соолугуна байланыштуу карьерасын жыйынтыктай турганын жар салган болчу. Кийинчерээк Чеченстандын башчысы Рамзан Кадыров аны спорттук машыгуусун улантууга ынандырганын билдирген.
Чимаев 2020-жылдан тарта UFC уюмунун беттештерине чыгып, 66 күндүн ичинде үч беттеш өткөрүп, баарында тең мөөнөтүнөн мурда жеңишке жеткен.