БИШКЕК, 14-Апр. — Sputnik. КРдин эл артисти, кинорежиссер Геннадий Базаров ооруканадан чыгып үйүндө. Маалыматты Sputnik Кыргызстан агенттигинин кабарчысына өзү тастыктады.
Кинематографист учурда жакындарынын кашында.
"Кудайга шүгүр, ден соолук жакшы. Ооруканадан эки жума мурун чыккам, азыр үйдө дарыланып жатам", — деди ал.
Эске сала кетсек, Базаров март айынын башында өзүн начар сезип президенттин жана өкмөттүн иш башкармалыгынын клиникалык ооруканасына жатып калган.
Анда ак халатчандар киночунун абалы кичине жакшырып калганын айтышкан.
Геннадий Базаров 60 жылдан ашык убакыттан бери ата мекендик кинематография тармагында эмгектенип келет. Ал "Каныбек", "Жаңылуу", "Буктурма", "Көчө", "Приют для совершеннолетних", "Айың", "Аномалия" өңдүү мыкты тасмалардын автору.