БИШКЕК, 11-апр. — Sputnik. Жергиликтүү кеңешти шайлоого 1 024 891 адам келип добуш берип, жалпы шайлоочулардын 30,89 пайызын түздү. Бул тууралуу БШК төрайымы Нуржан Шайлдабекова саат 18:00гө карата берген маалыматында билдирди.
Ал эми бүткүл элдик добуш берүүгө 1 061 591 жаран катышып, 29,44 пайызды түздү. Мыйзам боюнча шайлоочулардын 30 пайызы катышканда гана референдум өттү деп таанылат. Азырынча бул босогого 0,56 пайыздык добуш жетпей турат.
Шайлоо участкалары саат 20:00дө жабылат.