Эркин күрөш балбаны Эрназар Акматалиев Олимпиада оюндарына жолдомо берилүүчү квалификациялык Азия мелдешинин алтын байгеси үчүн ирандык Амирмохаммед Язданачерати менен күрөшөт. Кыргызстандык спортчу жарым финалда атаандашын утуп, Олимпиадага жолдомону камсыздаганда кубанган видеосун United World Wrestling уюму өзүнүн Youtube каналына чыгарды.
Муну менен ал мелдештин финалына чыгып, Олимпиадага эркин күрөш боюнча жолдомо уткан алгачкы балбан болду.
Турнир ушул күндөрү Казакстандын Алматы шаарында өтүп жатат. Анда финалга чыккан атлеттерге Токио Олимпиадасына лицензия берилет.
Бүгүнкү күндө Кыргызстандын куржунунда жалпысынан 12 лицензия болду.