БИШКЕК, 11-апр. — Sputnik. 12-апрелде күндүз Баткен облусунун айрым райондорунда жаан, тоолуу аймактарында кар жаайт. Калган жерлерде күн ачык болот. Бул тууралуу Кыргызгидромет билдирди.
Бийик тоолуу райондордо жол тайгак болот. Батыштан соккон шамалдын ылдамдыгы секундасына 4-9 метрге жетет.
Абанын температурасы Чүйдө +19...+24, Талас өрөөнүндө +17...+22, Ош, Жалал-Абад жана Баткен облустарында +20...+25, Ысык-Көл жана Нарын жергесинде +13...+18 градус болору айтылды.
Күндүн табы Бишкекте +22...+24, Ошто +23...+25 градуска көтөрүлөт.