БИШКЕК, 10-апр. — Sputnik. Бишкектин эмен бактарын курттан коргоо үчүн ийне сайылып баштаганын муниципалеттин маалымат кызматы кабарлады.
Ишти "Бишкек жашыл чарба" муниципалдык ишканасынын кызматкерлери Улуттук илимдер академиясынын алдыңкы энтомологдорунун бири Иван Хегай менен биргеликте жүргүзүүдө.
Адистер көп колдонулуучу ийне-автоматтын жардамы менен бактын кабыгына препарат сайышып, аны курттан коргоого аракет кылат. Вакцинадан кийин бактын ийне сайылган жерине атайын каражат сүйкөлөт.
Мэрия эмен бактарын курттан дары чачып коргоо мүмкүн болбогондуктан ушундай коопсуз ыкма тандалганын белгиледи.
Маалыматта бактарга ийне саюу Москва жана Санкт-Петербург сыяктуу ири шаарларда колдонулары кабарланган.