БИШКЕК, 10-апр. — Sputnik. Кыргызстандык балбан кыз Айпери Медет кызы Олимпиада оюндарына жолдомо ойнотулган квалификациялык Азия мелдешинде чемпион болду. Мелдештин жүрүшүн United World Wrestling (Дүйнөлүк күрөш уюму) уюмунун расмий сайты түз алып көрсөтүүдө.
Кыргызстандын балбан кызы Корея, Өзбекстан, Индия жана монголиялык балбан кыздар менен кармашып, баарын 10 упай айырма менен утуп, өз салмагынын чемпиону болду. Муну менен ал Токио Олимпиадасына лицензия алууга жетишти.
Мелдеш ушул күндөрү Казакстандын Алматы шаарында өтүп жатат.
Кыргызстандык балбан кыздар Мээрим Жуманазарова (68 килограмм) жана Назира Марсбек кызы (57 килограмм) өз салмактарында олимпиадалык лицензия үчүн таймашып жатышат.