БИШКЕК, 9-апр. — Sputnik. Кыргызстандык грек-рим күрөшүнүн балбандары Жоламан Шаршенбеков, Үзүр Жусупбеков жана Акжол Махмудов Олимпиада оюндарына жолдомо алды. Бул тууралуу Жаштар иши, дене тарбия жана спорт агенттиги кабарлады.
Эске сала кетсек, бүгүн, 9-апрелде, Казакстандын Алматы шаарында Токио Олимпиадасына жолдомо берген квалификациялык турнир өтүп жатат.
Буга чейин лицензия алты спортчуда бар болчу. Алар — балбандар Айсулуу Тыныбекова менен Атабек Азисбековдо, жөө күлүктөр Мария Коробицкая, Дарья Маслова жана Юлия Андреева, ошондой эле суучул Денис Петрашов эле.