БИШКЕК, 8-апр. — Sputnik. Өткөн суткада Кыргызстанда коронавирустан 111 адам сакайып, 222 киши жуктуруп алды. Бул тууралуу Республикалык штаб кабарлады.
Жуктургандар:
Ушуну менен оору илештиргендердин жалпы саны 89 660ка жетти. Анын ичинен 85 607 адам дартты жеңген.
Айыккандар:
Тилекке каршы, өткөн суткада дарт төрт адамдын өмүрүн алды. Анын ичинен бирөө Бишкектен болсо, үчөө Чүй облусунан экени айтылды. Жалпысынан өлкөдө коронавирустан 1 516 бейтап каза тапты.
Учурда стационарда 712 бейтап дарыланууда, алардын ичинен 158 адамдын абалы оор. Ал эми 24 кишинин абалы өтө оор деп бааланууда.
Акыркы сутка ичинде 3 924 ПЦР-анализ алынды.