БИШКЕК, 8-апр. – Sputnik. Бишкек шаарында 18 жаштагы Альбина Бапиева изделип жатканын Октябрь РИИБдин маалымат кызматы кабарлады.
Милицияга кызды таап берүүгө жардам сурап эжеси кайрылган. Анын айтымында, Альбина бүгүн, 8-апрелде, саат 8:00дөр чамасында 7-кичи райондо жашаган батиринен чыккан боюнча кайтып келген эмес.
Белгилери: бою 165 сантиметр, арыкчырай, чачы ачык күрөң. Кызыл куртка, жинсы шым, кара түстөгү бут кийим кийип, кара рюкзак асынып жүргөн.
Милиция Альбина Бапиева тууралуу кандайдыр бир маалыматы барларды (0553) 102-189, (0500) 09-99-00, (0312) 54-41-84 жана 102 номерине кабарлап коюуну өтүнөт.