БИШКЕК, 7-апр. — Sputnik. Борбор калаадагы "Өчпөс отту" үйлөп өчүргөн жаш жигитти тартип сакчылары кармады. Бул тууралуу Милициянын кайгуул кызматынан кабарлашты.
Маалыматка ылайык, жигиттин видеосу социалдык тармактарга жарыялангандан кийин эле милициянын кайгуул кызматкерлери ыкчам-издөө иштерин баштаган. Жыйынтыгында 2003-жылы туулган Н.у.А. аттуу баланы кармап, Свердлов РИИБинин тергөөчүлөрүнө өткөрүп берген.
"Учурда шектүү жаран кылган кылыгын мойнуна алып, жасаган жоругун тамаша иретинде кылганын айтып, коомчулуктан кечирим сурады", — деп жазылат билдирүүдө.
Учурда аталган факты боюнча тийиштүү иштер уланууда.