БИШКЕК, 2-апр. — Sputnik. Бишкекте Кыргызстандагы россиялык мекендештердин "Кыргызстан жана Россия — кызматташуунун жаңы форматтары" аттуу XII конференция өттү.
Иш-чарага өлкөнүн ар кайсы аймагынан активисттер чогулган.
Алардын ар биринин аркасында ийгиликтүү ишке ашкан долбоорлору бар. Катышуучуларды Россиянын Кыргызстандагы элчиси Николай Удовиченко тосуп алган. Ал Россия менен Кыргызстан өнөктөш экенин белгилеп, Россиянын өлкөгө жасаган колдоосу жана мекендештердин жумушун координациялап, колдоо боюнча жаңы долбоорлор тууралуу айтып берген.
Кыргызстандагы россиялык мекендештер кеңешинин төрагасы Александр Степанюк өлкөдө жасалган иштерге жогорку баа берип, мекендештердин эки жыл ичинде кандай маанилүү иштерди бүтүрүп, кайсы иш-чараларды өткөргөнүнө токтолду.
"Кичинекей мамлекет дүйнөлүк аянтта татыктуулардын катарында. Башкалар бизден үлгү алып жатканын көп угам. Ар өлкөнүн эли кандай иштеп жатканыбызды карап турат. Активисттер жумушту 100 пайыз аткаргандыктан, ушундай жыйынтыкка жеттик. Пандемия учурунда эрдик кылган ыктыярчылардын жумушун да баса белгилегим келет. Көп адамдын ажаатын ачкан мындай кишилер менен сыймыктанам", — деген ал.
Эки өлкөнүн ортосундагы мамилени өнүктүрүүгө салым кошкон кыргызстандыктар атайын сыйлыктар менен сыйланышкан. Россиялык мекендештердин жаштар кеңешинин төрайымы Ольга Фролова мамилени өнүктүрүүдөгү артыкчылыктарды да атап кеткен.
"Кыргызстан менен Россияны байланыштырып турган иш-чараларды дагы да өткөрө бермекчибиз. 2020-жыл оңой болгон жок, бирок мамлекеттер кызматташып турду. Мындай иш 2021-жылы да улантылат", — деди Фролова.
Конференциянын алкагында Координациялык кеңеш резолюция кабыл алып, бир жылдык план түздү. Алар: