БИШКЕК, 31-мар. — Sputnik. Бейшемби күнү күндүз жаап өткөн жана күтүлүп жаткан жаан-чачынга байланыштуу тоолуу райондордо кар көчкү түшүшү ыктымал. Жолдорго муз тоңуп, тайгак болот. Бул тууралуу Кыргызгидромет билдирди.
Абанын температурасы Чүй, Талас облустарында 0…+5, Ош, Жалал-Абад, Баткен аймактарында +4…+9, Ысык-Көлдө +1…+6, Нарын өрөөнүндө -1…+4 градус болот.
Бишкек жана Ош шаарларында мезгил-мезгили менен жаан жаап, карга айланат. Күндүн табы борбордо +1…+3, Ош шаарында +6…+8 градусту көрсөтөт.