БИШКЕК, 30-мар. — Sputnik. Борбор калаадагы Чоң Чүй каналына бүгүн эртең менен Hyundai Solaris автоунаасы түшүп кетти. Бул туурасында Өзгөчө кырдаалдар министрлиги билдирди.
Куткаруу кызматына күбөлөр саат 06:02де каналдын Алматы көчөсү менен кесилишкен жерине жеңил автоунаа түшүп кеткенин айтышкан. Атайын техниканын жардамы менен машина суудан тартып чыгарылды. Кырсыктан жабыркагандар жок, унаа Кайгуул милициянын кызматкерлерине өткөрүп берилген.