БИШКЕК, 28-мар. — Sputnik. Кыргызстандык жөө күлүктөр Мария Коробицкая менен Дарья Маслова Ташкент марафонунда алтын медаль утушту. Маалыматты Жеңил атлетика федерациясы Sputnik агенттигине тастыктады.
Үчүнчү эл аралык марафон бүгүн, 28-мартта, Өзбекстандын баш калаасы Ташкент шаарында өттү.
Мария Коробицкая 42,195 чакырымдык аралыкка чуркоодо биринчи келип, алтын медаль тагынган. Ал эми Дарья Маслова 21,1 чакырымдык жарым марафондо баарынан озуп, алтын байге утту. Дагы бир кыргызстандык жөө күлүк Гульшаной Сатарова марага үчүнчү келип, коло медаль тагынды.
Эркектер арасында кыргызстандык спортчу Илья Тяпкин марафондук аралыкка жарышып, экинчи орунду ээлеген.