Акцияда ыктыярчылар Бишкектеги "Кызыл-Аскер" советтик жоокерлердин жалпы көрүстөнүнө 80 түп көчөт отургузушту. Негизи ар бир жаран өзүнүн согушка катышкан ата-бабасына арнап бак тиксе болот.
Фашисттик Германия менен болгон согуштун башталышынын 80 жылдыгына багышталган акцияга дүйнө жүзү боюнча 300 миңдей адам кошулду. Иш-чаранын максаты — Улуу Жеңиштин, тынчтыктын жана достуктун урматына дүйнө жүзү боюнча 27 миллион дарак отургузуу.
Эл аралык акция биринчи жолу 2020-жылы 18-мартта Россияда башталган. Анда согушта курман болгон 27 миллион адамдын жаркын элесине арналган бак буга чейин Севастополь, Керчь, Симферополь, Феодосия, Волгоград, Новороссийск, Анапа жана Грозный шаарларында отургузулган.