БИШКЕК, 28-мар. — Sputnik. Кыргызгидромет агенттиги келе жаткан жумага карата аба ырайы тууралуу маалымат берди.
Ага ылайык, апта ичинде күн бузулуп, айрым аймактарга кар жаап, үшүк жүрүшү күтүлүүдө.
28-29-30-мартта өлкөнүн дээрлик бардык аймактарында жаан жаайт. 31-март, 1-апрелде кээ бир облустарда жаан катуу жаап, тоолуу жерлерге кар түшүүсү божомолдонууда.
1-апрелде Чүй облусунун айрым жерлеринде үшүк жүрөрү айтылды. Абанын температурасы төмөндөшү күтүлүүдө.
2-апрелде да жаан жаап, 3-апрелден тарта күн жылый турганы маалым болду.
Батыштан соккон шамалдын ылдамдыгы секундасына 4-9 метрден, 28-30-марттарда 15-20 метрге чейин жетиши күтүлөт.