БИШКЕК, 26-мар. — Sputnik. Саламаттык сактоо жана социалдык өнүктүрүү министринин орун басарлыгына Улук-Бек Бектурганов менен Жалалидин Рахматуллаев дайындалды. Бул тууралуу министрликтин маалымат кызматы кабарлады.
Жалалидин Рахматуллаев
© Фото / пресс-служба Министерства здравоохранения
46 жаштагы Бектурганов буга чейин Чүй облусундагы медициналык мекемелерде жетекчилик кызматтарда иштеген. Ошондой эле Ысык-Атадагы санитардык-эпидемиологиялык көзөмөлдөө борборунун башкы дарыгери кызматын аркалап турган.
Улук-Бек Бектурганов
© Фото / пресс-служба Министерства здравоохранения
Ал эми 61 жаштагы Рахматуллаев Кызыл-Кыя аймактык ооруканасынын башчысы болчу. Мындан сырткары, аталган шаардын вице-мэри болгон.
Буга чейин министрдин эки орун басары Мадамин Каратаев менен Нурболот Үсөнбаев 25-мартта кызматтан алынган.