БИШКЕК, 23-мар. — Sputnik. Бишкектин дагы беш көчөсүндө оңдоо иштери башталды. Бул тууралуу мэриядан билдиришти.
Капиталдык ремонт Гагарин менен Кырк-Кыз көчөлөрүнүн кесилишиндеги жолдо, Байтик баатыр көчөсүндө (Медеровдон Баялиновго чейинки бөлүгү) башталды.
Бүгүн кечке чейин Элебесовдун түндүктү карай кеткен тарабында жана Фучик көчөсүндө (Москва көчөсүнөн шаардын кире беришине чейинки бөлүгү) оңдоо иштери башталары белгиленди.
"Жогоруда саналган көчөлөрдө унаа кыймылы үчүн кыйынчылыктар жаралды. Оңдой турган көчөлөрдүн тизмеси жарандардын арызынын негизинде түзүлгөн", — дешти мэриядан.
Мындан тышкары, төмөнкү жети көчөдө оңдоо иштери жүрүп жатат:
Мэрия бул жылы 27 көчөнүн ар кайсы бөлүктөрүндө жалпысынан узундугу 16,5 чакырымга жеткен жерди ремонттоону пландап жатат.
Эгер сиздин көчөңүзгө же тротуарга тез аранын ичинде ремонт иштерин аткаруу керек болсо, сүрөт жана видеолорду мэриянын 0550888162 номерине жиберсеңиз болот.