БИШКЕК, 22-мар. — Sputnik. Россия-кыргыз өнүктүрүү фонду ишмердүүлүгүн жүргүзүп баштагандан бери 433 миллион долларлык долбоорлорду жактырган. Бул тууралуу аталган фонддун сайтында жазылган.
Ага ылайык, жалпысынан 2 886 долбоор жактырылган.
Маалым болгондой, насыянын 46 пайызы орто жана чакан бизнеске жумшалса, 31 пайыздан көбү өндүрүшкө кеткен. Агро-өнөр жай тармагына 23 пайызы жумшалса, 12 пайызы туризмге, инфраструктура жана логистиканы өнүктүрүүгө туура келгени айтылды.
Россия-кыргыз өнүктүрүү фонду 2014-жылы Кыргызстан менен Россиянын өкмөттөр аралык макулдашуусунун негизинде түзүлгөн. Анда 500 миллион доллар өлчөмүндөгү уставдык капиталды Россия кайтарымсыз бөлүп, зарыл болсо дагы 500 миллион долларды карызга берерин убадалаган.