БИШКЕК, 20-мар. — Sputnik. Бүгүн, 20-март күнү, Ош шаарында Даун синдрому бар балдарды коомго аралаштыруу жана алардын ата-энелерин ар тараптан колдоо максатында атайын борбор ачылды. Бул тууралуу Ош шаардык мэриясынын маалымат кызматы билдирди.
2006-жылдан бери 21-март Даун синдрому бар балдардын эл аралык күнү катары белгиленип келет.
"Фонддо түштүк аймагы боюнча 150, Ош шаарынан 40 ата-эне катталган. Келечекте борбор балдарды коомго аралаштырууга, алардын жашоодо өз ордун табуу багытына колдоо көрсөтүүгө, ошондой эле ата-энелерге жардам берүүгө өбөлгө түзмөкчү", — деди кайрымдуулук фондунун жетекчиси Туратбекова.
Иш-чарага Ош шаарынын мэри Таалайбек Сарыбашов катышып, борборго муниципалитеттен колдоо болуп турарын жана 144 миң сомду жардам катары бөлгөнүн айтты.