2016-жылдагы дүйнө чемпионатынын финалында техникалык зоналарга жана беттештин протоколуна жооптуу кылып, резервдеги калыс катары дайындашкан. Мындай пикирин Нурдин Букуев Sputnik Кыргызстан радиосунун эфиринде маек учурунда билдирди.
Анын айтымында, 2021-жылы Литвада өтө турган дүйнө чемпионатында көздөгөн кыялы орундалып калышы мүмкүн.
"Дүйнө чемпионаттарынын ар бир оюну эсте каларлык окуя. 2016-жылдагы Колумбиядагы финалдык беттеш мен үчүн өзгөчө мааниге ээ. Оюндагы аянтчанын үстүндө болбосо да башкы калыска жардам бердим. Кыялымда финалдык оюнду аянтчанын үстүндө башкы калыс катары өткөргүм келет. Бул кыялым орундалып калса, калыстык жашоомдогу арманым болбос эле. Быйыл Литвада дүйнө чемпионаты өтөт", — деди Букуев.
Ошондой эле адис калыстык иш жашоодо ордуңду аныктаганга, адамдык сапаттарды калыптандырганга, адилеттүү болууга жол ачканын кошумчалды.
Белгилей кетсек, Нурдин Букуев 2008-жылы Бразилияда, 2012-жылы Таиландда жана 2016-жылы Бразилияда өткөн футзал боюнча дүйнө чемпионатында калыс болгон.