Ачылыш аземине Кыргызстандын президенти Садыр Жапаров менен Россия лидери Владимир Путин күбө болду. Путин иш-чарага видеоконференция форматында катышты.
Эки өлкөнүн башчыларынан тышкары салтанатка "Альянс" компаниялар тобунун президенти Муса Бажаев катышып, лидерлердин уруксаты менен фабриканы расмий түрдө ишке киргизди.
Тараптар алтын иштетүү комбинатынын биргеликте ачылышы Кыргызстан менен Россиянын кызматташтыгын күчөтүп, өнөктөштүктүн жаңы баракчасынын ачылышына өбөлгө болорун билдиришти.
Көлөмү жагынан бул инвестиция Кыргызстан-Россия кызматташтыгынын тарыхындагы эң ири долбоор болуп эсептелип, суммасы 600 миллион долларга жетет. Кенден жылына беш тонна алтын өндүрүү пландалып жатат.
Ал эми миңден ашык кызмат орду түзүлчү бул ишкананын басымдуу бөлүгүндө кыргыз жарандары иштээри айтылды.