БИШКЕК, 18-мар. — Sputnik. Эртең Кыргызстанга Кытай берген COVID-19га каршы 150 миң доза вакцина жеткирилет. Бул тууралуу саламаттык сактоо министри Алымкадыр Бейшеналиев Sputnik Кыргызстандын мультимедиалык маалымат борборунда өткөн иш-чарада айтты.
Анын айтканына караганда, бул партиядагы вакцина 75 миң кишиге жетет.
Бейшеналиев муну менен катар эле Кыргызстанга Россиядан жана COVAX программасынын алкагында гуманитардык жардам катары вакцина келерин кошумчалады.