Маселен, союз учурунда курулган Москвадагы үч ипподром оңдоп-түзөөдөн өтүп, жакшы иштеп жатат. Мындай оюн Искендер Кадыркулов Sputnik Кыргызстан радиосунун эфиринде маек учурунда айтты.
Анын айтымында, ипподромдун ордуна курула турчу спорт комплексин башка жерге салса болот.
"Менин билишимче, "Ак кула" ат майданынын имараты тарыхый жайга кирет болуш керек. Ортодо Айыл чарба министрлиги, мэрия өзүнө алып "тарыхый" деген макамын чийдирип салышкан. Бүгүнкү күндө трибунасы турнир өткөрүүгө жарабайт деген чечим чыгарышты. Негизи бул ипподром таскактуу аттардын чуркаганына ылайыкталып курулган. Кийин көк бөрү да кошулуп, атайын аянтча түзүлүп ойнолуп калган. "Ак кула" ат майданын реконструкциялап сактап калыш керек. Мисалы, союз учурунда курулган Россияда үч ипподром бар. Алар жакшынакай эле иштеп жатышпайбы. Япониягыдай жер тартыш эмес. Спорттук комплексти башка жакка салса болот ", — деди Кадыркулов.
Ошондой эле жетекчи көтөрүлгөн маселе боюнча көк бөрүдөн сырткары башка ат оюндарын бөлбөй, комплекстүү туура чечим чыгарган жолду кароо керектигин кошумчалады.