БИШКЕК, 15-мар. — Sputnik. Тажикстандын Кожент шаарында 15-18-мартта кыргыз-тажик өкмөт аралык комиссиясы эки мамлекеттин ортосундагы чек араны делимитация жана демаркациялоо боюнча кезектеги жыйынга чогулат. Бул тууралуу УКМКнын маалымат кызматынан кабарлашты.
Кыргызстандын делегациясын өкмөттөр аралык комиссиянын төрагасы, УКМКнын жетекчиси Камчыбек Ташиев, ал эми коңшу мамлекеттин делегациясы менен комиссиясын Тажикстандын Улуттук коопсуздук боюнча мамлекеттик комитетинин башчысы Саймумин Ятимов жетектейт.
Аталган ведомстводон бул алардын атайын кызматтын жетекчиси катары биринчи жолугушуусу болгондуктан чек аранын делимитация жана демаркация маселесинен башка да суроолор талкууланарын кабарлашты.
Тагыраагы, эки тараптын кызматташуусу, Кыргызстан менен Тажикстандын коопсуздугуна коркунуч келтирген учурларга каршы туруу боюнча да сөз болмокчу.