БИШКЕК, 15-мар. — Sputnik. Кыргызстанда айылдык кеңештин депутаты болууга ниеттенгендердин саны 19 140 адамга жетти. Бул туурасында Борбордук шайлоо комиссиясы билдирди.
Айылдык кеңештин депутаты болууга камынган 19 140 адамдын 63ү саясий партиялар тарабынан, калганы өзүн-өзү көрсөткөн.
Шайлоого катышууга арыз берүү 11-мартта аяктады. Алардын документтери мыйзамдарга дал келерин Аймактык шайлоо комиссиялары текшерип, 22-мартка чейин талапкер катары каттайт. Андан соң үгүт иштери башталат.