БИШКЕК, 14-мар. — Sputnik. Бишкек — Нарын — Торугарт трассасындагы Боом капчыгайында жол кырсыгы катталып, андан эки киши каза болду. Бул тууралуу Жол кыймылы коопсуздугун камсыздоо башкы башкармалыгы билдирди.
Күбөлөр тарткан видеодон майрыйып калган автоунааны көрүүгө болот.
ЖКККББ Mazda 626 үлгүсүндөгү машина парапетти сүзгөнүн кабарлады.
Авария бүгүн күндүз болгон, азырынча чоо-жайы белгисиз.