БИШКЕК, 13-мар. — Sputnik. Өзбекстан Кыргызстандын Коргоо министрлигине бир тик учак белекке берет. Бул тууралуу президент Садыр Жапаровдун Өзбекстанга болгон мамлекеттик иш сапарынын жыйынтыгы боюнча маалымат катчы Галина Байтеректин билдирүүсүндө айтылды.
"Өзбек тарап Коргоо министрлигине кайтарымсыз негизде бир тик учак берип, дагы бирин оңдоп берүүгө макул экенин билдирди", — деди Байтерек.
Бирок авиатехника тууралуу толук маалымат берилген жок.
Ошондой эле аскердик багыт боюнча кадрларды, тагыраагы, учкучтар менен байланышчыларды даярдоо маселеси каралганы кошумчаланды.