БИШКЕК, 11-мар. — Sputnik. Кыргызстанда акыркы суткада коронавирусту 52 киши жуктурса, кайра ошончо адам сакайганын Республикалык штаб кабарлады.
Ал эми COVID-19 илдетинен каза болгондор катталган жок. Статистика мурдагыдай эле — 1 476.
Жуктургандар:
Өткөндө суткада 52 кишиден оору чыккан. Пандемиядан бери жалпысынан 86 692 адам ооруду.
Сакайгандар:
Бир сутка ичинде 52 киши, ал эми жалпысынан 83 718 киши ооруну жеңди.
Учурда стационарда 291 бейтап дарыланууда. Алардын ичинен бир адамдын абалы канааттандырарлык, 195и орточо, 79у оор, 15и өтө оор абалда. Амбулатордук дарыланууда 264 бейтап бар.