БИШКЕК, 9-мар. — Sputnik. 22-марттан 31-мартка чейин өлкө боюнча мектеп окуучулары каникулга тарайт. Бул тууралуу Билим берүү жана илим министрлигинин маалымат кызматы кабарлады.
Министрлик 1-апрелде окуу кайра баштала турганын белгиледи.
Эске салсак, Бишкек шаарында 9-марттан тарта башталгыч класстын окуучулары (2,3,4-класс) мектепке барып билим ала баштаган.
Калган класстын окуучулары толугу менен 1-апрелден тарта кадимки тартипте окуй турганын буга чейин биринчи вице-премьер Артём Новиков кеңешмеде айткан.
Белгилей кетсек, 2021-жылдын 1-сентябрына чейин ата-энелерден бирдиктүү форма талап кылынбайт.
Аймактарда мектептер толугу менен 3-чейректе эле ачылган.