Апта ирмеми: асманга атылган жанар тоодон уурдалган окуучуларга чейин

18:15, 8 Жалган Куран 2021
Sputnik

Суматра (Индонезия) аралында Синабунг жанар тоосу атылды. Анын күлү менен түтүнү беш чакырым бийиктикке сапырылды.

Кыргызстандын президенти Садыр Жапаров Казакстанга мамлекеттик сапар менен барып, өлкө башчысы Касым-Жомарт Токаев жана туңгуч президент Нурсултан Назарбаев менен жолукту.

Ереванда (Армения) премьер-министр Никол Пашиняндын кызматтан кетүүсүн талап кылган оппозициянын нааразычылык акциясы өттү.

Кемшейип, коркуп, чакчайып... Коронавирустан эмделгендердин реакциясы сүрөттө
4 Жалган Куран 2021, 18:17
Казакстандагы Байконур космодромунан "Союз-2.1б" космос кемеси асманга учту. Ал Арктика чөлкөмүндөгү климатка жана айлана-чөйрөгө байкоо салуучу алгачкы россиялык "Арктика-М" космостук аппараты менен кошо учурулган.

Нигериянын түндүк-батышында согушкерлер мектепке кол салышып, 317 окуучу кызды уурдап кетишкен. Кийинчерээк балдар куткарылды.

Кыргызстанда аскер кызматкерлеринин Ан-26 учагы менен парашюттан секирүү боюнча машыгуусу өттү.

Сенегалда оппозиция лидери жана президенттикке талапкер Усман Сонко камакка алынгандан кийин өлкөнүн Дакар жана башка шаарларында массалык митингдер өтүп, имараттарды өрттөө жана мародерлук менен коштолду.

Италияда салттуу Милан мода жумалыгы өттү.

Бишкектин четиндеги Дача СУ айылында миңдеген атчандардын катышуусунда аламан улак болду. Улакчылар 70 килограммдык торпокту марага таштап мелдешти.

 

1 / 18
Индонезиянын Суматра аралында Синабунг жанар тоосу атылып, анын күлү менен түтүнү беш чакырым бийиктикке сапырылды. Жаракат алгандар жана өлүм болгон эмес. Ага карабастан өлкө бийлиги кырсык болгон жердин үч чакырым айланасындагы жашоочулардан коопсуз жакка көчүүнү өтүнүшкөн
© REUTERS / ANTARA FOTO
2 / 18
Мумбайдагы (Индия) Тадж-Махал мейманканасынын алдында жубайлар сүрөткө түшүп жатышат
© AFP / PUNIT PARANJPE
3 / 18
Кыргызстанда аскер кызматкерлери Ан-26 учагы менен парашюттан секирип, машыгуу өткөрүштү
© Sputnik / Табылды Кадырбеков
4 / 18
Швециялык спортчу Астрид Норстедт лыжа спорту боюнча Германияда өтүп жаткан Дүйнө чемпионатында машыгуу секириктерин жасап жатат
© REUTERS / KAI PFAFFENBACH
5 / 18
Нигериянын түндүк-батышында согушкерлер уурдап кеткенден кийин бошотулган мектеп-интернаттын окуучу-кыздарынын сүрөтү. 26-февралда боевиктер Замфара штатындагы мектепке кол салып, 317 окуучу кызды уурдап кетишкен. Нигерияда куралчан топтор акча талап кылуу максатында окуучуларды уурдап кеткен учурлар көп кездешет
© REUTERS / AFOLABI SOTUNDE
6 / 18
Испаниянын Айтоне аймагындагы шабдаалы багында сейилдеп жүргөн кыз
© AFP / PAU BARRENA
7 / 18
2-3-мартта Кыргызстандын президенти Садыр Жапаров Казакстанга мамлекеттик сапары менен барды. Ал кошуна өлкөнүн башчысы Касым-Жомарт Токаев жана туңгуч президенти Нурсултан Назарбаев, Мажилис (парламент) төрагасы Нурлан Нигматулин жана премьер-министр Аскар Мамин менен жолукту. Иш сапарда бир катар келишимдерге кол коюлду
© Пресс-служба президента КР / Султан Досалиев
8 / 18
АКШнын Флорида штатындагы колледждин студенттери деңиз жээгинде жазгы каникулду майрамдап жатышат
© REUTERS / MARIA ALEJANDRA CARDONA
9 / 18
Найробиде (Кения) аял коронавируска каршы AstraZeneca вакцинасы менен эмделип жатат
© REUTERS / MONICAH MWANGI
10 / 18
Сенегалда оппозиция лидери жана президенттикке талапкер болгон Усман Сонконун камакка алынышы массалык толкундоолорго алып келди. 4-марттан 5-мартка караган түнү Дакар шаарында, анын четинде жана башка шаарларда митингдер өтүп, имараттарды өрттөө, эстеликтерди талкалоо жана мародерлук менен коштолду
© AP Photo / Leo Correa
11 / 18
Япониялык макака (маймылдын түрү) Нагано префектурасынын Дзигокудани чөлкөмүндөгү жылуу сууда жуунуп жатат
© AP Photo / Kiichiro Sato
12 / 18
Марселде (Франция) коменданттык саат алдында деңиз жээктей сейилдеген кыздын сүрөтү
© AP Photo / Daniel Cole
13 / 18
Еревандын (Армения) Баграмян проспектисинде өлкөнүн премьер-министри Никол Пашинянга каршы өткөн оппозициянын нааразычылык акциясынын катышуучусу
© Sputnik / Арам Нерсесян
/
Медиабанкка өтүү
14 / 18
Миландагы (Италия) мода жумалыгында Valentino күз/кыш–2021 коллекциясы көрсөтүлдү
© REUTERS / VALENTINO
15 / 18
Эл аралык аялдар күнүн утурлай Москва метрополитенинде гүл кучактап турган кыз
© Sputnik / Сергей Пятаков
/
Медиабанкка өтүү
16 / 18
6-мартта Бишкектин четиндеги Дача СУ айылында миңдеген атчандардын катышуусунда аламан улак өттү. Бул оюн көк бөрүнүн бир түрү. Мында ар бир катышуучу өзү үчүн ойноп, улакты марага ташташы керек. Улакчылар 70 килограммдык торпокту марага таштап, кызыктуу мелдеш көрсөтүштү
© Sputnik / Табылды Кадырбеков
17 / 18
Казакстандагы Байконур космодромунан "Союз-2.1б" космос кемеси "Арктика-М" аппараты менен кошо асманга учурулду. "Арктика-М" бул Арктика чөлкөмүндөгү климатка жана айлана-чөйрөгө байкоо салуучу алгачкы россиялык космостук аппарат болуп саналат
© Фото / пресс-служба Роскосмоса
/
Медиабанкка өтүү
18 / 18
АКШнын Нью-Гэмпшир штатында кар баскан токойду аралап бара жаткан киши
© AP Photo / Robert F. Bukaty
КоомКыргызстанДүйнөдөОкуяларСүрөтМультимедиаЖаңылыктармашыгууаптаСүрөт түрмөкРоссия