БИШКЕК, 8-мар. — Sputnik. Бишкектин Кайгуул милиция кызматы айдоочу айымдарды 8-март майрамы менен куттуктады.
Аталган органдын маалымат катчысы Байказы Айтикул уулу инспекторлор айдоочуларды токтотуп, шоколад, открытка белек кылып, айымдарга арналган ырларды окуп, каалоо-тилек айтышканын белгиледи.
"Бул күнү аялдарга жагымдуу маанай тартуулайлы деп чечтик, аз болсо да кичинекей белегибизди бердик", — деди Айтикул уулу.
Мындан сырткары, инспекторлор милиция кызматкерлерин жана ардагерлерди куттуктап, андан ары социалдык мекемелерге дагы барышкан.