БИШКЕК, 6-мар. — Sputnik. Бишкектин Патрулдук милиция башкармалыгынын кызматкерлери жүк ташууда жол эрежелерин сактабаган автоунаалардын айдоочуларына 3000 сомдон айып пул салынарын эскертти.
Аталган башкармалыктын маалыматына караганда, социалдык тармактарда жүк ташуучу унаалардын кирпич, таш жана башка оор жүктөрдү ташууда коопсуздук эрежелерин сактабай жаткандыгы тууралуу видеолор жарыяланууда. Унаанын бортунан жүк кулап кетсе жолдогу башка жүргүнчүлөрдүн өмүрүнө коркунуч жаралышы толук мүмкүн.
Милиция айдоочуларды төмөндөгү жол эрежелерин сактоого чакырат:
Патрулдук милиция башкармалыгы эскерткендей, эгер жүк унаанын алдынан же артынан бир метрден ашып кетсе же капталынан 0,4 метр чыгып калса, анда бортто "Көлөмдүү жүк" деген идентификациялык белги болушу керек.
Эрежелер сакталбаган учурда КРдин Эреже бузуулар жөнүндө кодексине ылайык, айдоочуга 3000 сом көлөмүндө айып пул салынат.