БИШКЕК, 6-мар. — Sputnik. Климаттык шарттардын кескин өзгөрүшү аялдардын эрте төрөшүнө алып келип, мунун кесепетинен наристенин бою, салмагы аз болуп туулат. Бул тууралуу "Известия" Улуу Британия жана Бразилиядагы окуу жайлардын окумуштууларына шилтеме берип жазды.
Адис климаттын олуттуу түрдө өзгөрүшү ымыркайлардын ден соолугуна кандай таасир этерин аныкташкан.
Окумуштуулар тобу 11 жыл бою Бразилиянын Амазонас штатынын жашоочуларына байкоо салып, жаан-чачын көп жааган жерде аялдар бою, салмагы орточо нормадан кемирээк балдарды төрөгөнүн аныкташкан.
"Климаттын кескин өзгөрүшү дыйкан чарба түшүмүн азайтып, тамактанууну начарлатат. Ошондой эле нымдуу аба жана суу аркылуу жугуштуу оорулардын көбөйүшүнө алып келет. Мунун бардыгы эне-баланын ден соолугуна терс таасирин тийгизиши мүмкүн", — деген окумуштуулар.
Адистер Амазондогу климаттын өзгөрүшү тынчсызданууну жаратарын айтышкан.