БИШКЕК, 3-мар. — Sputnik. Бухара облустук администрациясынын маалымат кызматы аким Ботир Зариповдун дөңгөлөк үстүндөгү контейнерде жайгашкан штабынын сүрөтүн жарыялаганын Sputnik Өзбекстан жазды.
Учурда штаб-вагон Алат районундагы Давлатбой махалласында жайгашкан
© Фото / Хокимият Бухарской области Узбекистана
Учурда штаб-вагон Алат районундагы Давлатбой махалласында жайгашкан.
"Мында жашаган Ботир Зарипов жергиликтүү калктын көйгөйүн чечүү менен алектенип жатат", — деп айтылат маалыматта.
Буга чейин Наманган облусунун акими Шавкатжон Абдуразаков президент Шавкат Мирзиёевден катуу сын уккандан кийин жашоо шарты өтө татаал Бунёдкор айылына көчүп барып, контейнерде жашайм деген чечим кабыл алган болчу.