БИШКЕК, 3-мар. — Sputnik. 9-марттан тарта Бишкектеги бала бакчалар иштей баштайт. Бул тууралуу мэриянын маалымат кызматы кабарлады.
Тайпалар 10 баладан өз-өзүнчө топко бөлүнүп тарбияланары маалым болду. Мэрия санитардык нормалар сакталышы керектигин эскертүүдө.
Эске салсак, ордо калаадагы бакчалар 2020-жылдын март айында жабылган. Ошол бойдон бөбөктөр бара элек болчу.