БИШКЕК, 28-фев. — Sputnik. Кыргызстанда коронавирустан жалпы 1 464 бейтап көз жумса, анын 1 004ү коронавирус чакырган пневмониядан (U07.2) каза тапкан. Бул тууралуу Республикалык штаб маалымдады.
Ошондо Кыргызстанда көз жумган жалпы 1 464 бейтаптын ичинен 460ы коронавирустан (U07.1), ал эми 1 004ү пневмониядан ажал тапкан.
Өлкөдө коронавирус жуктургандардын саны 86 229га жетти. Республикалык штаб оору аныкталгандардын көбү кайсы аймактан экенин да көрсөткөн.
Кыргызстанда коронавирус жуктургандардын ичинен 83 179у ооруну жеңгени айтылды.