БИШКЕК, 27-фев. — Sputnik. Маңдай териң менен тапкан акчаны кадырлай билүү — финансылык сабаттуулуктун бир бөлүгү. Бул тууралуу психолог Дмитрий Синарев "Прайм" агенттигине берген маегинде билдирди.
Ал бирөөгө карыз бергенден алдын өз убагында кайтарып бере алышына толук ишенүү керектигин баса белгилейт.
"Карызга канча акча жана кандай шартта берүүнү ар бир адам өзү чечет. Бирок сиз финансылык булагыңызга урмат-сый менен мамиле жасагыңыз келсе, кимге берип жатканыңызды жана андан качан кайтарын терең түшүнүп алышыңыз абзел", — деди Синарев.
Психологдун айтымында, карыз берүү кооптуу же ылайыксыз делген адамдарды үч категорияга бөлсө болот: акчаны көз жаздымдан өткөргөндөр, ары жагынан жөндөмсүздөр, акчаны жакшы көргөндөр.
Биринчи топтогулар материалдык баалуулук маанилүү эмес дегендей түр көрсөтүп, идея менен гана жашап эч качан колуна жарытылуу акча тийбейт. Мындай адамдар карыз сурай берет да, ошол бойдон кайтарып бербейт.
Экинчи топтогу адамдар ар дайым акчасы жок наалып жүргөндөр. Карызын кечиктирип бөлүп-бөлүп атып эптеп төлөйт.
Үчүнчү топтогулар акчаны жакшы көргөндөр. Алар каражат эсептегенди, үнөмдөгөндү, акцияларга жана депозитке салганды аябай жакшы билет. Акчаны дагы пайда көрүү максатында сурайт.