БИШКЕК, 26-фев. — Sputnik. Кыргызстандык атактуу бильярдчы Каныбек Сагынбаев эркин, грек-рим күрөшү, бильярд жана велоспорт боюнча олимпиадалык резервдеги адистештирилген балдар жана өспүрүмдөр мектебин жетектейт. Мэриянын маалымат кызматы жаңы директор жамаатка тааныштырылганын кабарлады.
Мектеп Бишкек мэриясынын Дене тарбия жана спорт башкармалыгынын карамагына кирет.
35 жаштагы Сагынбаев Кыргыз Республикасынын эмгек сиңирген спорт чебери болуп саналат. 2007-жылы, 2010 жана 2014-жылы дүйнө чемпионатын жеңип алган. Мындан сырткары, бир катар эл аралык ири мелдештердин жеңүүчүсү.
Адистештирилген мектептин директору кызматын буга чейин Айша Карымшакова аркалап келген.