БИШКЕК, 25-фев. — Sputnik. Эсептөө палатасынын аудитору болуп Алмаз Акматов дайындалды. Анын талапкерлиги президент тарабынан сунушталып, бүгүн Жогорку Кеңештин депутаттары колдоп берди.
Эсептөө палатасынын аудитору болуп Алмаз Акматов дайындалды
© Фото / пресс-служба Счетной палаты КР
Эсептөө палатасынын төрагасы Улукбек Марипов кызматтан кетип премьер-министр болгондон кийин бир аудитордук орун бош турган. Анын ордун Акматов ээлей турган болду.
Алмаз Акматов 2018-жылдан ушул күнгө чейин Эсептөө палатасынын Ош шаары, Ош, Жалал-Абад жана Баткен облустары боюнча аймактык бөлүмүн башкарып турган. Ага чейин Ысык-Көл жана Нарын облустарындагы, Бишкек шаары, Чүй жана Талас облустары боюнча бөлүмдөрдү жетектеп келген.