RT кабарлагандай, эки өлкөнүн президенттери Сочиде болгон жолугушуудан кийин тоого эс алууга барышкан. Видеодо көрүнүп тургандай, Путин ак, кызыл, көк түс аралашкан костюм кийип жүрөт. Ал эми Лукашенко башынан аягына чейин кара түстөгү костюмчан экенин көрүүгө болот.
Белгилей кетсек, буга чейин КМШ мамлекеттеринин башчыларынын хоббиси тууралуу макала жарыяланган. Анда Россиянын президенти Владимир Путин спорттун бир канча түрүн, балык уулоону, ар түрдүү техниканы башкарганды жакшы көрө турганы жазылган. Ал эми Беларусь президенти кышкысын дээрлик күн сайын хоккей ойноп, лыжа тепсе, жайкысын футбол ойногонду жактырары маалым болгон.