Финполдун маалымат кызматы билдиргендей, аталган органга А.К. аттуу адам кайрылып, Ленин РИИБдин тергөөчүсү ишти оң жагына бүтүрүп берүү үчүн акча талап кылып жатканын айтып, арыз калтырган.
Видеодон тергөөчүнүн 1000 сомдук акчаны санап жатканын көрүүгө болот. Бирок колго түшөрдө акчаны жерге ыргытып жиберген.
Биринчи май райондук соту кармалган адамдын баш коргоо чарасын тандап, №1 тергөө абагына эки айга камады.
Учурда тергөө иштери уланып жатканы айтылды.