БИШКЕК, 16-фев. — Sputnik. Нарын облустук милициясы төрт айдан бери табылбай жаткан Гүланда Аманалиевага издөө салып, көргөн-билгендер болсо кабарлап коюуну өтүндү.
Нарын облустук милициясы төрт айдан бери табылбай жаткан Гүланда Аманалиевага издөө салып
© Фото / УВД Нарынской области
Тартип коргоо органдарына аялдын туугандары арыз менен кайрылган.
Маалыматта 40 жаштагы Аманалиева Гүланда Аскаровна былтыркы жылдын 30-октябрында үйдөн чыгып кеткен боюнча дайынсыз болуп жатканы айтылган.
Анын Ат-Башы районунун Калинин айылында туулганын жана Кочкор районунун тургуну экендигин билдиришти.
"Гүланда, эгер окуп жаткан болсоң үйгө кайрылып кел, үйдө кичинекей уул-кызың куса болуп күн санап күтүүдө. Көргөн-билгендер болсо төмөндөгү номерге кайрылып коюшуңуздарды өтүнөбүз. 0707803970", — деп жазылган милиция тараткан маалыматта.
Аманалиеванын узун сары куртка, ак бут кийим кийип, башына кызыл жоолук салынып, кызыл спорттук шымчан чыгып кеткендигин айтышты. Бою 160-165 см., узундугу ийинине жеткен кара чачы бар экенин кошумчалашты.