БИШКЕК, 16-фев. — Sputnik. Билим берүү жана илим министри Алмазбек Бейшеналиев Пакистанга жумушчу сапары менен барып, Кыргызстандын медициналык университеттерин Пакистандын медициналык комиссиясынын "кара тизмесинен" чыгаруу жолдорун ортого салды. Бул туурасында Тышкы иштер министрлиги кабарлады.
Баарлашуунун жүрүшүндө тараптар орто жана жогорку билим берүү, кесиптик билим берүү, эки өлкөнүн университеттеринин ортосунда тажрыйба алмашуу, биргелешкен илим-изилдөө жана тажрыйба алмашуу жаатында кызматташууну өнүктүрүүнү талкуулашкан.
Ошондой эле Пакистан студенттеринин Кыргызстанда окутуу үчүн шарттарды жакшыртуу маселеси да каралганы айтылат.